आज:  | Fri, 04, Apr, 2025

प्रथम नीलकण्ठ मेयर फुटसल कपको प्रथम उपाधी नगरपालिकाले

११ फाल्गुन २०८१, आईतवार ०७:५३ मा प्रकाशित ( १ महिना अघि) ३७२१ पटक पढिएको
नारी बाटिका


धादिङ- ११ फागुन ।

धादिङ जिल्लाको निलकण्ठ नगरपालिका सदरमुकाम धादिङवेशीमा आयोजित प्रथम मेयर फुटसल कपको उपाधी नीलकण्ठ नगरपालिकाले जितेको छ ।

सदरमुकामस्थित धादिङ फुटसल एकेडेमीमा शनिबार आयोजित फाईनल खेलमा रुवीभ्याली गाउँपालिकालाई ६.३ गोलको अन्तरले पराजित गर्दै नीलकण्ठ नगरपालिकाकाको जायन्ट्स टिमले प्रथम उपाधी जितेको हो।

यस्तै प्रतियोगितामा धादिङ अस्पतालले तेस्रो स्थान हासिल गरेको छ। धादिङ अस्पतालका टोलिले गोरखा नगरपालिकाका टिमलाई ४.२ गोल अन्तरले पराजित गरी तेस्रो भएको छ ।

प्रतियोगितामा प्रथम नीलकण्ठ जायन्ट्स टिमले नगद रु,१ लाख १ हजार १११ रुपियाँ सहित ट्रफी, मेडल र प्रमाणपत्र प्राप्त गरेको छ । यस्तै द्धितिय टिम रुवीभ्यालीले ५१ हजार १११ रुपियाँ सहित ट्रफी, मेडल र प्रमाणपत्र प्राप्त गरेको छ ।

साथै तृतिय स्थान हाँसिल गर्ने धादिङ अस्पताल टिमले २५ हजार रुपियाँ सहित ट्रफी, मेडल र प्रमाणपत्र प्राप्त गरेको छ भने सान्त्वना भएको गोरखा नगरपालिकाले नगद २० हजार रुपियाँ सहित ट्रफी, मेडल र प्रमाणपत्र प्राप्त गरेको छ ।

यस्तै विधागत तर्फ उत्कृष्ट खेलाडी धादिङ अस्पतालका डा.जिवन घिमिरे, उत्कृष्ट गोलकर्ता नीलकण्ठ जायन्ट्सका रवी भण्डारीले (३३ गोल) गरी उत्कृष्ट गोलरक्षक नीलकण्ठ जायन्ट्सका बल बहादुर तामाङ र उत्कृष्ट डिफेन्डर नीलकण्ठ जायन्ट्सकै सरोज पाण्डे घोषित भएका हुन् ।

उनीहरुले समान रुपमा नगद ६–६ हजारसहित ट्रफी, मेडल र प्रमाणपत्र प्राप्त गरेका छन् । नगरपालिका अन्तर्रगत शिक्षा, युवा तथा खेलकुद शाखाको आयोजनामा बुधबारदेखी अन्तरपालिका स्तरीय फुटसल प्रतियोगिता खेलमा १८ टिमले भाग लिएका थिए ।

प्रतियोगिताको समापन गर्दै नीलकण्ठ नगरपालिकाका प्रमुख एवं् नेपाल नगरपालिका संघका अध्यक्ष भिम प्रसाद ढुंगानाले नीलकण्ठमा खेलकुद क्षेत्रलाई विशेष प्राथमिकतामा राखेको र नगरपालिकामा विभिन्न खेलकुद प्रतियोगिता आयोजना गर्दै आएको बताउनु भएको छ ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित
१%

प्रतिक्रिया दिनुहोस