आज:  | Thu, 03, Apr, 2025

सुपादेउराली दर्शन गरी फर्किएको बस अर्घाखाँचीमा दुर्घटना हुंदा चार जनाको मृत्यु

१३ चैत्र २०८१, बिहीबार ०७:१२ मा प्रकाशित ( १ हफ्ता अघि) २०४७ पटक पढिएको
नारी बाटिका


अर्घाखाँची १३ चैत ।

अर्घाखाँचीमा दर्शनयात्री बोकेको बस दुर्घटना हुँदा चार जनाको मृत्यु भएको छ।बुधवार साँझ सुपादेउरालीको दर्शन गरी फर्किँदै गरेको बस अर्घाखाँचीको शितगंगा नगरपालिका २ भुवनपाटास्थित गोरूसिंगे सन्धिखर्क सडकखण्डमा दुर्घटनामा परेको हो।

अर्घाखाँचीस्थित सुपादेउराली दर्शनको लागि नवलपरासीबाट गएको लु२ख ३०३ नम्बरको बस उक्त स्थानमा दुर्घटनामा परेको राजमार्ग सुरक्षा तथा ट्राफिक व्यवस्थापन कार्यालय बुटवलका प्रहरी उपरीक्षक श्यामबहादुर खत्रीले बताउनु भयो ।

प्रहरी उपरीक्षक श्यामबहादुर खत्रीका अनुसार मृत्यु हुनेमा तीन जना महिला र एक पुरुष रहेका छन्। मृत्यु हुनेमा बसका चालकसमेत रहेको बताइएको छ। हिजो साँझसम्म मृतकको पहिचान तथा घाईतेहरुका उद्धारको प्रहरीले राति अबेरसम्म लागेको थियो ।

प्रहरी उपरिक्षक खत्रीका अनुसार गुडिरहेको बस अनियन्त्रित भएर सडकदेखि करिब ३० मिटर तल खसेको छ। उक्त घटना हिँजो साँझ अ. पौने ६ बजेतिर भएको हो । दुर्घटनामा करिब २७ जना यात्रु घाइते भएको प्रहरीले जनाएको छ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित
१%

प्रतिक्रिया दिनुहोस