आज:  | Thu, 03, Apr, 2025

सेन्टर प्लाजा आगलागी घटना अपडेट:सेनाको हेलिकोप्टरबाट ११ जनाको उद्धार

१२ चैत्र २०८१, बुधबार १४:१५ मा प्रकाशित ( १ हफ्ता अघि) २२०२ पटक पढिएको
नारी बाटिका


इटहरी -१३ चैत ।

सुनसरीको इटहरी उप महानगरपालिका स्थित सेन्ट्रल प्लाजामा लागेको भिषण आगलागीमा फसेका ११ जनाको उद्धार भएको छ । आज विहान इटहरीको मुख्यचोकमा संन्चालित व्यापारिक भवन सेन्ट्रल प्लाजामा आगलागी भई घटनामा फसेका ११ जनाको नेपाली सेनाको हेलीकप्टरद्धारा उद्धार गरिएको हो।

कोशी प्रदेश प्रहरी प्रमुख प्रहरी नायव महानिरीक्षक राजन अधिकारीका अनुसार उद्धार गरिएकामा तीन महिला र आठ पुरुष रहेका जानकारी दिनु भयो। साथै उक्त आगोलागीलाई नियन्त्रणमा लिन नेपाल प्रहरी,सशस्त्र प्रहरी बल र नेपाली सेना गरी तीन सय सुरक्षाकर्मी परिचालन गरिएको महानिरीक्षक अधिकारीले बताउनु भयो ।

उक्त घटनामा विभिन्न स्थानीय तहको सहयोगमा १२ दमकल प्रयोग गरी आगो नियन्त्रण गरिएको हो। आज बिहान १०तले सेन्टर प्लाजा भवनको मध्य भागमा आगो लागेको थियो । भवनको मध्य भागमा आगलागी हुंदा भवनको भित्रपट्टी विभिन्न तलामा सर्वसाधारण फसेका थिए । घटनाको लगत्तै गृह मन्त्रालयले उद्धारका लागि नेपाली सेनाको हेलिकोप्टर पठाएको हो।

हेलिकोप्टरद्वारा भवनमा फसेकाहरुको उद्धार गरिएको छ तर आगो भने नियन्त्रणमा लिन कठिनाई भएतापनि नियाउने प्रयास जारी रहेको प्रहरीले जनाएको छ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित
१%

प्रतिक्रिया दिनुहोस