आज:  | Thu, 03, Apr, 2025

आजको मौसम जानकारी,केही प्रदेशमा चट्याङसहित वर्षाको सम्भावना

१२ चैत्र २०८१, बुधबार ०७:०२ मा प्रकाशित ( १ हफ्ता अघि) १६१३ पटक पढिएको
नारी बाटिका


काठमाडौं १३ चैत ।

हाल पश्चिमी र स्थानीय वायुको आंशिक प्रभावको कारण मौसममा केही फेरवदल भैइरहेको छ ।आज पहाडी भूभागमा आंशिक बदली छ। बाँकी भूभागको मौसम मुख्यतया सफा रहेको मौसम पूर्वानुमान महाशाखाले जनाएको छ।

महाशाखाका अनुसार आज दिउँसो देशको पहाडी भूभागमा आंशिक बदली रही बाँकी भूभागमा आंशिक बदली देखि मौसम मुख्यतया सफा रहनेछ। कोशी, गण्डकी र कर्णाली प्रदेशको पहाडी भूभागको एकदुई स्थानमा चट्याङसहित हल्का वर्षाको साथै उच्च पहाडी तथा हिमाली भूभागका एकदुई स्थानमा हल्का हिमपातको सम्भावना छ।

बुधबार राति कोशी प्रदेश,गण्डकी प्रदेश र कर्णाली प्रदेशको पहाडी भूभागमा आंशिक बदली रही बाँकी भूभागमा मौसम मुख्यतया सफा रहनेछ। कोशी, गण्डकी र कर्णाली प्रदेशको पहाडी भूभागको एक(दुई स्थानमा चट्याङ र हल्का वर्षाको सम्भावना छ ।

साथै उच्च पहाडी तथा हिमाली भूभागका एकदुई स्थानमा हल्का हिमपातको सम्भावना रहेको महाशाखाको भनाई छ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित

प्रतिक्रिया दिनुहोस