आज:  | Thu, 03, Apr, 2025

पूर्वविशिष्टहरुलाई सुविधा दिन नहुने स्वास्थ्यमन्त्री पौडेल

८ चैत्र २०८१, शनिबार १९:४८ मा प्रकाशित ( १ हफ्ता अघि) २०४७ पटक पढिएको
नारी बाटिका


नेपालगञ्ज ९ चैत ।

हालको सरकारले पूर्वविशिष्टहरुलाई सुविधा दिने कानुन ल्याउन लागिरहेको अवस्था छ , तर सरकार कै स्वास्थ्य तथा जनसङ्ख्यामन्त्री प्रदीप पौडेलले पूर्वविशिष्टहरुलाई सुविधा दिन नहुने बताउनु भएको छ ।

शनिबार बाँके नेपाली कांग्रेसले आयोजना गरेको कार्यकर्ता भेटघाट कार्यक्रममा उहाँले पूर्वविशिष्टलाई सुविधा दिने व्यवस्था ल्याउन नहुने कुना बताउनु भएको हो। राज्यले उहाँहरुलाई मानसम्मान गर्नु ठीक हो तर सुविधा दिने कानुन भने बनाउनु हुंदैन भन्नु भएको छ ।

सोही क्रममा उहाँले नेपालगञ्ज मेडिकल कलेजको समस्या समाधानका उपायहरु कलेज प्रशासन आफैले खोज्नु पर्नेमा जोड दिनु भयो । उहाँले भन्नु भयो “मेडिकल कलेज, नीति र नियमले चल्नुपर्छ र राज्यले निर्धारण गरेका सम्पूर्ण नीतिनियमलाई मान्नुपर्छ”,।

यस्तै मन्त्री पौडेलले अब कुनै पनि सरकारी, निजी तथा सामुदायिक अस्पतालका दक्ष जनशक्तिलाई दिने तलब श्रम ऐनले तोकेबमोजिम नभए ती अस्पतालको सम्बन्धन खारेज गरिने चेतावनी दिनु भयो । औषधिको मूल्य समायोजनका लागि काम हुन लागेको जानकारी दिँदै राष्ट्रिय उत्पादनलाई प्रोत्साहन हुनेगरी काम गरिने बताउनु भयो ।

मन्त्री पौडेलले स्थानीय तहमा आधारभूत अस्पताल निर्माणका लागि सरकारले धेरै लगानी गरेको उल्लेख गर्दै सबै पूर्ण क्षमतामा सञ्चालन हुने जानकारी दिँदैै बिरामीहरुका लागि स्वास्थ्य बिमालाई प्रभावकारी बनाउने सरकारको योजना रहेकोले ६६ लाख घरपरिवारलाई बिमा योजना जोडिने बताउनु भयो ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित

प्रतिक्रिया दिनुहोस