आज:  | Sat, 05, Apr, 2025

ट्रकले मोटरसाइकललाई ठक्कर दिँदा एकको मृत्यु, एक घाइते

१९ फाल्गुन २०८१, सोमबार २०:११ मा प्रकाशित ( १ महिना अघि) २७२९ पटक पढिएको
नारी बाटिका


मकवानपुर- १९ फागुन।

पूर्वपश्चिम राजमार्ग अन्तर्गत मकवानपुरको मनहरीमा ट्रकले ठक्कर दिँदा एक जनाको मृत्युभएको छ। त्यस्तै दुर्घटनामा एक जना घाइते भएका छन् ।

आज मनहरी(७ मनहरी पुलमा हेटौँडातर्फ आउँदै गरेको ना १६ प ३१८१ नंको मोटरसाइकललाई सोही दिशातर्फ आउँदै गरेको ना ६ ख ४०५५ नंको ट्रकले ठक्कर दिएको हो । ठक्करबाट मोटरसाइकलको पछाडि सवार चितवन रत्ननगर(१६ पिठुवाका ५६ वर्षीय नीमबहादुर थापाको उपचारका क्रममा मृत्यु भएको हो ।

ट्रकको ठक्करबाट थापाको टाउकोमा गम्भीर चोट लागेको र उनको मनहरी अस्पतालमा उपचारको क्रममा मृत्यु भएको थियो । गौतमलाई भने थप उपचारका लागि चितवनतर्फ अस्पतालमा रिफर गरिएको प्रहरीले जनाएको छ ।

ठक्कर दिने ट्रक र चालकलाई प्रहरीले नियन्त्रणमा लिएको छ । मृतकका आफन्तले उचित क्षतिपूर्तिको माग र घटनामा सङ्लग्नलाई कारबाहीको माग गर्दै जिल्ला प्रहरी कार्यालय मकवानपुरअगाडि पूर्वपश्चिम राजमार्ग करिब एक घण्टा अवरुद्ध गरेका थिए ।

माग सम्बोधन हुने आश्वासनपछि सडक सञ्चालनमा ल्याइएको जिल्ला प्रहरी कार्यालय मकवानपुरका प्रवक्ता एंव प्रहरी नायब उपरीक्षक श्यामु अर्यालले जानकारी दिनु भयो ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित
१%

प्रतिक्रिया दिनुहोस