आज:  | Thu, 03, Apr, 2025

कला र साहित्यबाट समाज परिवर्तन र रुपान्तरणको संवाहक ;प्रदेश प्रमुख देवकोटा

१६ फाल्गुन २०८१, शुक्रबार १९:५३ मा प्रकाशित ( १ महिना अघि) ४८६८ पटक पढिएको
नारी बाटिका



धादिङ १६ फागुन ।

कला र साहित्यबाट समाज परिवर्तन र रुपान्तरणको संवाहकको रुपमा रहेको बागमती प्रदेश प्रमुख दिपक प्रसाद देवकोटाले बताउनु भएको छ ।

साहित्यमा लाग्ने व्यक्ति समाज र राष्ट्र हाक्ने नायक बन्न सक्ने भन्दै बागमती प्रदेश सरकारको संस्कृति तथा पर्यटन मन्त्रालयले आयोजना गरेको साहित्य महोत्सव २०८१ को उद्घाटन समारोहको सम्बोधन गर्नु हुदै उहाँले यस्तो बताउनु भएको हो ।

बागमती प्रदेशभित्रका १३ वटै जिल्लाका श्रष्टा तथा कविहरुहरुहरुलाई समेट्ने गरी धादिङ जिल्लाको सदरमुकाम धादिङबेशीमा फागुन १६ देखि १७ गतेसम्म कार्यक्रम संन्चालन हुनेछ ।

आजदेखि धादिङबेशीमा सुरु भएको बागमती साहित्य महोत्सवको प्रमुख अतिथिको रुपमा धादिङ आउनु भएका प्रदेश प्रमुख देवकोटाले सो कुरा बताउनु भएको हो ।

‘साहित्य मानव मस्तिष्कको उपज हो । जसले कला संस्कृति, मूल्य मान्यता र सभ्यतालाई छर्लङ्ग पार्दछ । साहित्य प्रेम र करुणा मात्र नभएर न्याय, चेतना, परिवर्तन र रुपान्तरणको उत्प्रेरणा पनि हो’ उहाँले भन्नु भयो – ‘कला र साहित्य खुसी र समृद्धि जीवनको आधार हो ।

उहाँले साहित्यले मानवविचको द्धन्द्ध हटाएर मानवता, एकता र सौहाद्धताको विजारोपण गर्दै सभ्य समाजको निर्माण गर्दछ ।’
त्यस्तै, समाजलाई सही दिशातर्फ डो¥याउन साहित्यको भुमिका महत्वपुर्ण रहने कृषि तथा पशुपन्छी विकास मन्त्री रामनाथ अधिकारीले बताउनु भएको छ । ‘साहित्य समाजको आँखा हो । साहित्यले जीवन र जगतलाई विवेक दिन्छ’, मन्त्री अधिकारीले भन्नु भयो–’साहित्य नै जीवनको कलात्कम अभिव्यक्ति हो । समाजलाई सही दिशा तर्फ डो¥याउने दृष्टिकोण दिन्छ ।’

त्यसैगरी नेपाल नगरपालिका संघका अध्यक्ष तथा नीलकण्ठ नगरपालिकाका नगर प्रमुख भीमप्रसाद ढुुंगानाले समाजमा देखापर्ने घटनाहरुलाई समेटेर अभिव्यक्त गर्ने माध्यम नै साहित्य रहेकोले सभ्य समाज निर्माणमा साहित्यको भुमिका महत्वपुर्ण रहेको बताउनु भयो ।

‘साहित्य समाजको दर्पण हो । साहित्यले समाजका विकृति र विसंगतिलाई शब्दमा समेटेर जनमानस समक्ष पु¥याउने काम गर्छ। साहित्यले समाजलाई खबरदारी गराउँछ। अनि यही साहित्यमा लागेपछि समाजलाई राम्ररी निहालेर हेर्न पाइन्छ’ मेयर ढुंगानाले भन्नु भयो।

कार्यक्रम उद्घाटन समारोहमा नेवाः, मगर, गुरुङ, तामाङ, चेपाङ समुदायका संस्कृति झल्किने झाँकी, पन्चैबाजासहितको र्याली निकालिएको थियो ।

महोत्सवमा विभिन्न विधाका समूह छलफल, काव्य सन्ध्या, गजल साँझ र गजल प्रशिक्षण लगायतका कार्यक्रम रहने महोत्सव व्यवस्थापन तथा सहजीकरण समितिका संयोजक विष्णु आचार्यले बताए ।

बागमती प्रदेश सरकारको संस्कृति तथा पर्यटन मन्त्रालयको आयोजनामा“साहित्य, कला र संस्कृतिको प्रवर्धन, वागमती सभ्यताको सम्बर्धन” भन्ने मूल नारा सहित आजदेखी साहित्य महोत्सवको आयोजना गरिएको हो ।

कार्यक्रममा मन्त्रालयका सचिव दिपेन्द्र सुवेदीले स्वागत मन्तव्य राख्नु भएको थियो । त्यसैगरी कायक्रममा बागमती प्रदेश नेपाली काँग्रेसका मुख्य सचेतक गोविन्द प्रशाद लम्साल,विभिन्न पार्टीका प्रमुख एवं् प्रतिनिधीहरु,विभिन्न संघ संस्थाका प्रतिनिधीहरु,पत्रकार,सुरक्षा निकायका प्रमुखहरु,प्रमुख जिल्ला अधिकारी सुमन भिमिरे,विद्यार्थी,शिक्षक,बागमती प्रदेशका विभिन्न विधाका साहित्यकारहरु लगायतको उपस्थिति रहेको थियो ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित
१%१%

प्रतिक्रिया दिनुहोस