आज:  | Sat, 05, Apr, 2025

रारा तालको एक होटेलमा आगलागीबाट चार भवन जलेर नष्ट

१५ फाल्गुन २०८१, बिहीबार १४:५७ मा प्रकाशित ( १ महिना अघि) २६६७ पटक पढिएको
नारी बाटिका


मुगु -१५ फागुन ।

मुगुस्थित रारा तालको किनारमा संन्चालित एक होटेलमा बुधबार राति आगलागी हुँदा चारवटा घर जलेर नष्ट भएका छन् । काठैकाठको संरचनाले बनेको भवनमा आगोलागीबाट निकै क्षति पुगेको छ । उक्त आगलागीलाई नियन्त्रणमा लिनको लागी नेपाली सेना, कर्मचारी, नेपाल प्रहरी र सशस्त्र प्रहरी बलले बिहीबार बिहान निकै प्रयासपछी आगो नियन्त्रणमा आएको हो ।

आगलागीको जानकारी प्राप्त हुनासाथ जिल्ला सदरमुकाम गमगढीबाट प्रहरी नायब निरीक्षक दीपक केसीको नेतृत्वका १५ जना प्रहरीको टोली उद्धारको लागी खटिएको थियो । उक्त होटेलको भान्सा कोठाबाट सुरु भएको आगोले नजिकै रहेको ग्यासको सिलिण्डर पड्कदा अन्य तीन भवनमा क्षति पुर्याएको थियो ।

प्रहरी, सेना र सशस्त्र प्रहरीले होटलमा रहेका पाहुनालाई तत्काल उद्धार गरी नजिकै रहेका होटल, सेनाको ब्यारेक, निकुञ्ज कार्यालयमा सारिएको थियो । घटनाको पूर्ण विवरण आउन बाँकी रहेको प्रहरीले जनाएको छ ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित

प्रतिक्रिया दिनुहोस