आज:  | Sat, 05, Apr, 2025

रौतहटमा स्कर्पिओ दुर्घटना हुँदा एकै गाउँका ८ जनाको मृत्यु,५ जना घाइते

२५ मंसिर २०८१, मंगलवार १२:३४ मा प्रकाशित ( ३ महिना अघि) ५३६४ पटक पढिएको
नारी बाटिका


रौतहट- २५ मंसिर ।

रौतहटमा स्कार्पिओ दुर्घटना हुँदा एकै गाउँका आठ जनाको मृत्यु भएको छ। मंगलबार रौतहटको चन्द्रपुर नगरपालीकास्थित राजमार्गमा बिहान बा १६ च ३१६२ नम्बरको स्कार्पिओ दुर्घटनामा परी एकै परिवारका ८ जनाको मृत्यु भएको हो।

बारास्थित प्रसिद्ध मन्दिर गढिमाईको दर्शन गरी घर सिराहा तर्फ फर्कँदै गरेका यात्रुवाहक स्कार्पिओ पूर्वपश्चिम राजमार्गको धन्सार–लमाहा खण्डमा अनियन्त्रित भई सडकबाट दाहिने साइडको तल रुखमा गइ ठोक्किएर दुर्घटना भएको प्रहरीले जनाएको छ।

सो दुर्घटनामा मृत्यु हुनेमा सिराहाको अर्नामा गाउँपालिका–३ बंठियाटोलका ६० बर्षिया लरुवती देबि महरा, ३० वर्षिया उर्मिला महरा, ५० वर्षिया रामकुमारी महरा, ५५ वर्षिया महगीं देविआ. महरा, रहेका छन् ।

यसैगरी ६२ वर्षिया फुलमन्ति देवि चमार, ६० बर्षिया रामकुमारि देवि महरा, ३० बर्षिया सकुन्तला देवि महरा र ४० वर्षिया स्कार्पिओ चालक श्रीकुमार यादव रहेको इलाका प्रहरी कार्यालय चन्द्रनिगाहपुरले जानकारी दिएको छ।

१३ जना सबार रहेको उक्त स्कारपियो दुर्घटना हुँदा ५ जना यात्रुहरु पनि घाइते भएका छन् । दुर्घटनामा घाइते भएका राधा राम, आर्यन राम, देवकुमारी महरा, रितिक महरा र कन्यादेबी महरालाई उपचारका लागी पर्साको वीरगञ्ज अस्पतालमा पठाइएको प्रहरीले जनाएको छ।

हाल उक्त दुर्घटनामा मृत्यु भएकाहरूको पोस्टमार्टमको लागि चन्द्रनिगाहपुर अस्पतालमा राखिएको छ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित
१%

प्रतिक्रिया दिनुहोस