आज:  | Sat, 05, Apr, 2025

क्यानडाको एक हिन्दू मन्दिरमा आक्रमण, भक्तजनमाथि कुटपिट

१९ कार्तिक २०८१, सोमबार १४:४८ मा प्रकाशित ( ५ महिना अघि) ३६३५ पटक पढिएको
नारी बाटिका


काठमाडौं १९ कार्तिक ।

क्यानडाको टोरेन्टोस्थित ब्रहम्पटन क्षेत्रमा रहेको एक हिन्दू मन्दिरमा आक्रमण भएको छ । आइतबार राति उक्त मदिीरमा आक्रमण भएको हो । केही मानिसले मन्दिर परिसरमा प्रवेश गरेर हिन्दू धर्मावलम्बीमाथी साँघातिक रुपमा कुटपिट गरिरहेको भिडिओ समेत सार्वजनिक भएको छ ।

उक्त आक्रमण भारतमा छुट्टै राष्ट्रको माग गरिरहेका खालिस्तानी चरमपन्थीहरूले गरेको हुन सक्ने भारतीय सञ्चारमाध्यमहरूले जनाएका छन् । यस घटनाको सम्वन्धमा क्यानडाका प्रधानमन्त्री जस्टिन ट्रुडोले हिन्दू मन्दिरमा भएको आक्रमणको निन्दा गर्दै यस्तो अराजकता अन्त्य गर्ने बताएका छन् ।

‘ब्रहम्पटनमा हिन्दू सभा मन्दिरमा पूजा गर्नेहरूलाई लक्षित गर्दै भएको यो हिंसा पूर्ण रूपमा अस्वीकार्य छ,’ उनले सामाजिक सञ्जाल एक्समा लेखेका छन्, ‘सबै क्यानडालीले शान्तिपूर्वक आफ्नो धर्म मान्न पाउनु पर्नेछ । म यो अराजकता अन्त्य गर्नेछु ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित

प्रतिक्रिया दिनुहोस